Kandidati i vetëm serb për zgjedhjet e Mitrovicës së Veriut, Aleksandër Arsenijeviç është tërhequr nga gara. Tërheqjen e tij nga gara për zgjedhjet e 18 dhjetorit e ka konfirmuar zëdhënësi i KQZ-së Valmir Elezi.
“Mund t’ua konfirmoj se më 2 dhjetor 2022, brenda afatit ligjor të vendosur nga KQZ-ja për tërheqjen e subjekteve politike, kemi pranuar njoftimin për tërheqjen e kandidatit të Iniciativës Qytetare “Srpski Opstanak”, Aleksandar Arsenijevic, nga gara për kryetar komune në Mitrovicën e Veriut. Në arsyetimin me shkrim që kemi pranuar, ai ka tërhequr kandidaturën e tij “me vullnet të lirë”, ka thënë ai.
Për kryetar të Mitrovicës së Veriut kandidojnë Taulant Kelmendi nga PDK, Erden Atiq nga VV, Betim Osmani nga Iniciativa Qytetare Mitrovica dhe Aleksandar Arsenijoviç nga partia Srpski Opstanak. Ndërkaq, për postin e kryetarit të Leposaviçit ia kanë mësyrë Albulena Behluli-Hetemi nga PDK, Lulzim Hetemi nga VV dhe Aleksandar Jabllanoviq nga Partija Kosovskih Srba. Për të parin e Zubin Potokut janë vetëm Izmir Zeqiri nga PDK dhe Flatron Hasani nga VV, ndërsa për në Zveçan janë Ilir Peci nga PDK, Fetah Peci nga VV dhe Sladjana Pantoviç si kandidate e pavarur.
o.j/dita
