Ish-Presidenti Donald Trump ka deklaruar se nëse nuk fiton në zgjedhjet presidenciale 2024, Shtetet e Bashkuara të Amerikës do ti udhëheqin komunistët dhe marksistët. Sipas tij, me presidentin Joe Biden në krye, çdo ditë është “Dita e gënjeshtrave” për Amerikën.
“Mitingjet do të nisin shumë shpejt, edhe pse është shumë herët ende. Mbështetësit po më detyrojnë që t’i nis, duan që të nisin dy vite përpara kohe. Duhet ta nisim me një miting të madh në Nju Hempshajër. Lajmet e rreme thonë se po kandidoj sa për të kandiduar. Por, unë jam më i inatosur dhe më i përkushtuar se kurrë më parë”, tha Trump.
Ai shtoi se nëse nuk fiton në vitin 2024, atëherë “çdo gjë do të marrë fund”, pasi “komunistët dhe marksistët” do të udhëheqin Shtetet e Bashkuara të Amerikës.
