Atletico Madrid rikthehet te fitorja në La Liga pas disfatës me Barcelonën. “Los Colchoneros” triumfuan në transfertë përballë Valladolid me rezultatin 2-5. Molina hapi siparin e golave në minutën e 20. Mbrojtësi realizoi i vetëm përballë portierit pas asistimit përfekt të Gimenez. Pas katër minutash ky i fundit realizoi të dytin për skudrën e Diego Simeones pas krosimit të Griezman. Sërisht francezi ishte vendimtar në minuten e 38-të, këtë herë me pasimin perfekt për Moratën i cili realizoi të tretin për Atletico Madrid. Valladolid u mundua të reagonte dhe shkurtoi diferencën pa u mbyllur pjesa e parë. Mario Hermoso shkaktoi penallti dhe sulmuesi Larin u tregua i saktë nga pika e bardhë e 11 metrave. Në fraksionin e dytë të zotët e shtëpisë dominuan takimin dhe rihapën ndeshjen në minutën e 74 me Escudero, i cili realizoi më kokë nga brenda zonës. Barazimi ishte shumë pranë vetëm pas dy minutash me Sergio Leon i cili u ndal nga tranversa. Valladolid edhe pse u munda të gjente sërisht rrugën e rrjetës nuk ja doli mbanë, ndërsa nga ana tjetër skuadra e Diego Simeones vulosi ndeshjen pas autogolit të shkaktuar nga Fernandez. Në fund festoi edhe Memphis Depay i cili u rikthye nga dëmtimi me gol. Falë këtij triumfi Atletico Madrid shkon në kuotën e 66 pikëve në vendin e tretë, ndërsa Valladolide zbret në vendin e 15-të me 35 pikë.
Në Francë, Marseille triumfon me përmbysje ndaj Auxurre dhe rihap garën për titullin kampion në Francë. Skuadra e Igor Tudor triumfoi 2-1 në shtëpi dhe shfrytëzoi hapin fals të Paris Saint Germain, për të ulur në 5 pikë distancën nga kreu. Miqtë kaluan të parët në avantazh me anë të Toure në minutën e 33-të dhe bënë që “Vellodrome” të heshtë për shumë minuta. Megjithatë në të 75-ën ishte turku Under që riktheu baraspeshën dhe dy minuta më vonë Alexis Sanchez ngriti në peshë publikun vendas, duke kompletuar përmbysjen.
Ndërsa në Itali, Juventus vijon rezultatet zhgënjyese, teksa në tranfertën e Bolonja nuk shkoi më shumë se një barazim 1-1, teksa shpërdoruan dhe një penallti. Por fitimi i 15 pikëve në gjykatë duket se i ka dhënë qetësinë prej dy javësh bardhezinjve, për zonën Champions.
