200 mijë shqiptarë e ndoqën në shesh, Dua Lipa i falenderon: Shfaqja më e madhe realizuar ndonjëherë

Këngëtarja me famë botërore Dua Lipa mbylli më 28 Nëntor turin e saj “Future Nostalgia”.

Ajo zgjodhi pikërisht ditën e pavarësisë për ti dhuruar shqiptarëve një spektakël të paharrueshëm, por mesa duket emocionet nuk kanë qenë vetëm për fansat e saj, por edhe për vetë këngëtaren.

Dua Lipa duket se është emocionuar nga pjesëmarrja aq e madhe e fansave të saj, rreth 200 mijë, në koncertin e fundit dhe për këtë ka zgjedhur t’i falenderojë të gjithë me një postim në Instagramin e saj.

“94 shfaqje në të gjithë botën në një vit përfunduan në Tiranë, në Shqipëri me rreth 200 mijë njerëz shfaqja jonë më e madhe solo e realizuar ndonjëherë, u bë në ditën e Pavarësisë! Gjithçka që mund të them është falënderimi më i thellë për një vit që më ka shtyrë të rritem përtej çdo gjëje që mund ta imagjinoja, e rrethuar me njerëzit më të mrekullueshëm për të ndarë emocionet. “Future Nostalgia” përgjithmonë!”, ka shkruar Dua Lipa në postimin e fotove të saj në Instagram, të realizuara pikërisht gjatë koncertit, ku në disa prej tyre duket këngëtarja me flamurin kuq e zi.

o.j/dita