Një ngjarje e rëndë ka ndodhur këtë të hënë në një shkollë në Tennessee të Shteteve të Bashkuara të Amerikës, ku si pasojë e një sulmi me armë kanë mbetur të vdekur 6 persona.
Mediat e huaja shkruajnë se e autorja e krimit të rëndë ishte një adoleshente e cila mbante me vete kallashnikovë dhe një pistoletë.
Mes viktimave nga sulmi janë dhe 3 fëmijë. Policia ka ndërhyrë duke qëlluar me breshëri ndaj autores e cila ka mbetur e vdekur në vend. Një prej policëve ka mbetur i plagosur gjatë ndërhyrjes.
Ndërkohë ende nuk është zbuluar identiteti i autores së vrasjeve dhe arsyet përse kreu sulmin. Sipas mediave të huaja, ka edhe shumë persona të plagosur. Shkolla frekuentohej kryesisht nga nxënës të moshës 11 dhe 12 vjeçare.
m.b./dita