Politikanët duhet të vënë në dyshim nëse Konventa e OKB-së për Refugjatët e vitit 1951 është “e përshtatshme për epokën tonë moderne”, pritet të deklarojë në fjalimin e saj, Sekretarja e Brendshme britanike, Suella Braverman.
Duke iu drejtuar një instituti kërkimor në Uashington DC, ajo do ta përshkruajë konventën si një “arritje të pabesueshme të epokës së saj”.
Por, do të argumentojë gjithashtu se ndryshimet në interpretim kanë çuar në rritjen e numrit të personave që përkufizohen si refugjatë.
“Tani ajo po kërkon dikë tjetër për të fajësuar”, tha politikania Yvette Cooper.
Konventa për Refugjatët u hartua pas Luftës së Dytë Botërore dhe ka në qendër të saj parimin se refugjatët nuk duhet të kthehen në vendet ku ata përballen me kërcënime për jetën ose lirinë e tyre.
Sekretarja e Brendshëm pritet të deklarojë në auditorin në Institutin Amerikan të Ndërmarrjeve se u bënë 70 vjet që kur u miratua konventa dhe “tani jetojmë në një kohë krejtësisht të ndryshme”.
“Më lejoni të jem i qartë, ka zona të mëdha në botë ku është jashtëzakonisht e vështirë të jesh homoseksual ose të jesh grua. Aty ku individët po persekutohen, është e drejtë që ne t’i ofrojmë një vend të shenjtë.
Por ne nuk do të jemi në gjendje të mbajmë një sistem azili nëse thjesht të qenurit homoseksual ose grua, si edhe të kesh frikë nga diskriminimi në vendin tënd të origjinës është e mjaftueshme për t’u kualifikuar për mbrojtje.”
Status quo-ja, ku njerëzit janë në gjendje të udhëtojnë nëpër vende të shumta të sigurta, madje edhe të banojnë në vende të sigurta për vite me rradhë, ndërkohë që zgjedhin destinacionin e tyre të preferuar për të kërkuar azil, është absurde dhe e paqëndrueshme.”
j.l./ dita
