Nga dita e sotme hyjmë zyrtarisht në orën verore, çfarë do të thotë një shfrytëzim më i mirë i ditës dhe më shumë orë me diell.
Nga mëngjesi i sotëm akrepat kanë shkuar 1 orë përpara duke kaluar nga ora dimërore në atë verore.
Ky ndryshim të do të thotë zgjim më herët, dhe dita do të jetë më e gjatë.
Në këmbim të një ore gjumë më pak do të kemi një orë dritë më shumë.
Në pranverë, e gjithë Europa kalon në orën e verës për të optimizuar përdorimin e rrezeve të diellit dhe rrjedhimisht konsumon më pak energji elektrike.
Prej dekadash, vendet e Bashkimit Europian aplikojnë dy orë, atë të dimrit, që nis të dielën e fundit të tetorit dhe orën verore që kthehet të dielën e fundit të marsit.
Këshilla për reduktimin e stresit
Ky ndryshim ndikon shumë në gjendjen emocionale dhe fizike të njerëzve. Shumë stresohen vetëm nga ideja që do flenë një orë gjumë më pak. Megjithatë ka disa këshilla që do ju ndihmojnë shumë ta përballoni këtë situatë sa më lehtë.
Meqënëse ndërrimi ndodh të dielën ekspertët këshillojnë t’i dedikoheni aromaterapisë dhe detoksit digjital.
Me pak fjalë, qëndroni në shtëpi, ajrosni dhomën dhe vendosni aroma që ndihmojnë me çlirimin e stresit.
Krijoni ambjent meditues dhe largoni celularin nga vetja.
Një ditë në javë duhet patjetër të hiqni çdo paisje digjitale nga vetja.
Aroma që mund t’ju ndihmojnë të flini dhe të qetësoheni janë ato të jasminës, vaniljes, limonit, mandarinës dhe lavander.
Mos pini kafe, por pini çaj kamomili ose limoni dhe ëmbëlsojeni me pak mjalë.
j.l./ dita