Një aksident me pasojë vdekjen është regjistruar sot në “Shkallën e Tujanit” në Tiranë.
Raportohet se dy persona kanë ndërruar jetë pas përplasjes së motorit me një makinë.
Mësohet se viktima mbetën daja dhe nipi. Blerim Haxhiu 23 vjeç dhe Olsi Lila 18 vjeç janë dy të rinjtë që humbën jetën tragjikisht në aksident.
Siç u raportua automjeti me drejtues Olsido Cami 24 vjeç, është përplasur me motomjetin me drejtues shtetasin Blerim Haxhiu 23 vjeç dhe pasagjer shtetasin Olsi Lila 18 vjeç.
Gjithashtu shërbimet e Policisë kanë shoqëruar dhe arrestuar drejtuesin e automjetit, i dyshuar për shkelje të rregullave të qarkullimit rrugor.
Ndërkohë grupi hetimor vijon punën për zbardhjen e rrethanave të aksidentit.
Njoftimi i Policisë:
Më datë 14.05.2025, rreth orës 02:30, në aksin rrugor “Shkalla e Tujanit”-Zall Dajt”, dyshohet se automjeti me drejtues shtetasin O. C., 24 vjeç, është përplasur me motomjetin me drejtues shtetasin B. H., 23 vjeç dhe pasagjer shtetasin O. L., 18 vjeç.
Si pasojë e aksidentit kanë humbur jetën shtetasit B. H. dhe O. L.
j.l./ dita
