Pak pasi e bleu, Pep Guardiola e cilësoi si një nga talentet më të mirë të historisë. Të gjithë nënqeshën dhe menduan se tekniku po bëhej më shumë se ç’duhej filozof. Por fundi i sezonit e konfirmoi. Adoleshenti argjentinas i fitoi të gjitha në gjashtë muaj! Kampion Bote fillimisht me Argjentinën më 20 dhjetor 2022, ku la gjurmë me 4 gola, kampion i Premier League në Angli me City, Kupa e Anglisë, në muajin maj dhe tani…Champions League.
Kanë qenë gjashtë muaj rekord për Julian Alvarez të Manchester City-t, i cili ka rezervuar vendin e tij në histori si lojtari i parë që fiton një tripletë të Kupës Evropiane, ligës dhe kupës vendase – dhe një Kupë Bote në të njëjtin sezon. Nëntë lojtarë para sulmuesit 23-vjeçar argjentinas kishin fituar Kupën Evropiane ose Ligën e Kampionëve dhe Kupën e Botës në të njëjtin sezon – por asnjëri nuk kishte fituar dopien e brendshme gjithashtu.
Alvarez e përfundon sezonin si golashënuesi i dytë më i mirë i Cityt me 17 gola, pavarësisht se nisi më pak se gjysmën e ndeshjeve të tyre, dhe ishte golashënuesi i tretë më i mirë në Kupën e Botës 2022. City fitoi titullin e Premierligës me pesë pikë nga Arsenali, mundi Manchester United në finalen e FA Cup dhe mposhti Interin në finalen e Ligës së Kampionëve – pasi Argjentina mundi Francën në finalen e Kupës së Botës në dhjetor.
Alvarez nuk hyri në fushë në fitoren e tyre 1-0 ndaj Interit në Stamboll, por gjithsesi fitoi trofeun më pas. Alvarez bëhet lojtari i 10-të që bëhet kampion evropian me klubin e tij dhe kampion bote me vendin e tij në të njëjtën sezon. Po të kishte fituar Interi, atëherë sulmuesi i tyre argjentinas Lautaro Martinez do të ishte i 10-ti.
Të gjithë të tjerët fituan Kupën e Botës pas sezonit të klubeve, por këtë herë ishte në mes të sezonit për shkak të nxehtësisë së Katarit. Nga nëntë të tjerët, gjashtë ishin bashkëlojtarë të Bayern Munichut dhe Gjermanisë në 1973-74 – dhe tre të tjerët luajtën për Real Madridin në vite të ndryshme në epokën e Ligës së Kampionëve.
