Gjykata e Posaçme e Apelit për Korrupsionin dhe Krimin e Organizuar ka rrëzuar vendimin e shkallës së parë, duke i dhënë fund përkohësisht përpjekjeve për nisjen e një hetimi penal ndaj ish-ministres Olta Xhaçka.
Me një vendim të shpallur sot, më 14 maj 2025, trupi gjykues i kryesuar nga gjyqtarja Iliriana Olldashi vendosi të shfuqizojë vendimin nr. 58 të Gjykatës së Posaçme të Shkallës së Parë, i cili kishte urdhëruar Prokurorinë e Posaçme të regjistronte procedimin penal dhe të niste hetimet për disa akuza të rënda përfshirë “Shpërdorim detyre”, “Falsifikim dokumentesh” dhe “Pastrim parash”.
Vendimi i Apelit vjen pas ankesës së paraqitur nga Prokuroria e Posaçme, duke rikthyer kështu në fuqi vendimin e saj të mëparshëm për të mos e çuar çështjen në hetim penal.
Vendimi:
GJYKATA E POSAÇME E APELIT PËR KORRUPSIONIN DHE KRIMIN E ORGANIZUAR
Tiranë, më datë 14.05.2025
KOMUNIKIM PËR MEDIAN
Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtarja Iliriana Olldashi, sot më 14.05.2025, shpalli vendimin mbi çështjen penale nr. 90 akti, datë 08.04.2025 regjistrimi, regjistruar mbi ankimin e Prokurorisë së Posaçme kundër Korrupsionit dhe Krimit të Organizuar, kundër vendimit nr. 58, datë 28.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar që ka vendosur:
“1. Pranimin e ankimit të bërë nga ankuesi Dh.A.B.
Detyrimin e Prokurorisë së Posaçme kundër Korrupsionit dhe Krimit të Organizuar për regjistrimin e procedimit penal dhe për vazhdimin e hetimeve për veprën penale “Shpërdorimi i detyrës”, “Falsifikimi i dokumenteve” dhe “Pastrimi i produkteve të veprës penale”, kryer në bashkëpunim, parashikuar nga nenet 248 186 287 të Kodit Penal, mbi parashtrimin e kallëzimit penal nr. 181, datë 04.09.2023, sipas pikës 42 të këtij vendimi.
Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar brenda 10 (dhjetë) ditëve duke filluar ky afat nga e nesërmja e njoftimit të këtij vendimi.”
Në përfundim, Gjykata e Posaçme e Apelit për Korrupsionin dhe Krimin e Organizuar vendosi:
– Shfuqizimin e vendimit nr. 58, datë 28.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar.
– Rrëzimin e ankimit të ankuesit Dh.A.B., me objekt “Shfuqizimin e vendimit/shkresës nr. 22920/1 Prot., datë 27.12.2024 të Prokurorisë së Posaçme kundër Korrupsionit dhe Krimit të Organizuar. Urdhërimin e regjistrimit të procedimit penal për veprën penale të kallëzuar dhe kryerjen e veprimeve hetimore përkatëse”.
i.b./dita
I fitoi Zgjidhjet Ramuti? Olta eshte e pafajshme. Kjo ishte pritshmeria pas Fitores.
Falen dhe hajdutet e medhenj, sic fali gjobat shteterore
Ta gezoni fitoren popole qiptar
Mos i humb shpresat, Sali Berisha do gjykohet per te gjitha krimet, pasurite e Gjirit Lalezit, shtepite ne Belgjike, Gjermani, Hungari.
Shqiperia e di kush jane hajdutet.
Perpjekjet jane te kota majtas dhe djathtas do dorezoni leket e vjedhura nuk shpeton njeri nga perendimoret futeni ne mendje kete pergjithmone
Në rast se vendimi do ishte marë para zgjedhjeve komentuesit mender të Berishës do të reagonin si veprim në përkrahje të Ramës. Tani që u mor mbas zgjedhjeve na qenka pritshmëri pas zgjedhjeve!!!!!