Arkivoli i Peles kalon pranë banesës së nënës, ajo ende nuk e di që i biri ka vdekur

Kortezhi i funeralit të legjendës braziliane të futbollit Pele, kaloi pranë shtëpisë ku ende jeton e ëma e tij 100-vjeçare, Celeste Arantes.

Familjarët thonë se Celeste ka vështirësi në memorien e saj dhe nuk është në dijeni se djali i saj ka vdekur.

“Ajo po ecën mirë, por ajo është në botën e saj të vogël,” tha vajza e saj, Maria Lucia, e cila jeton me të në qytetin juglindor të Santos.

Dona Celeste, siç njihet në Brazil, festoi ditëlindjen e saj të 100-të më 20 nëntor – ditën kur filloi Kupa e Botës 2022 në Katar.

Ajo ishte 17 vjeç kur lindi Pele, më 23 tetor 1940.

Në një postimi rreth një muaj më parë, kur mamaja e tij mbushi 100-vjeçe, Pele ndau me ndjekësit në Instagram një mesazh të veçantë kushtuar asaj.

“Që në moshë të re, ajo më mësoi vlerën e dashurisë dhe paqes. Kam mbi 100 arsye për të qenë mirënjohëse që jam djali i saj. I ndaj këto foto me ju, me emocione të mëdha për të festuar këtë ditë. Faleminderit për çdo ditë pranë jush, mami”, shkruante Pele.

o.j/dita