Presidentja e Komisionit Evropian Ursula von der Leyen ka reaguar për ndalimin e kryetarit të Bashkisë të Stambollit Ekrem Imamoglu duke thënë se është ‘thellësisht shqetësues’.
Ursula von der Leyen iu përgjigj një pyetjeje mbi këtë çështje në një konferencë shtypi në Bruksel. Ajo tha se është thelbësore që Turqia të dedikohet në vullnetin për të kryer praktikat europiane.
“Ne e shohim si një lajm thellësisht shqetësues ndalimin e kryebashkiakut, duke qenë se Turqia është anëtare e Këshillit të Evropës dhe vend kandidat për anëtarësim në Bashkimin Evropian.Është thelbësore që Turqia të mbrojë vlerat demokratike, veçanërisht të drejtat e zyrtarëve të zgjedhur. Ne duam që Turqia të mbetet e lidhur me Evropën, por kjo kërkon një angazhim të qartë ndaj normave dhe praktikave demokratike dhe është thelbësore që Turqia të respektojë këto parime themelore.”- u shpreh Von der Leyn përballë gazetarëve.
Presidenti i Këshillit Evropian Antonio Costa thjesht deklaroi se ishte dakord me fjalët e Ursula von der Leyen për këtë çështje.
