Policia Kufitare Durrës ka arrestuar një shtetas italian, i cili ishte shpallur në kërkim ndërkombëtar, pasi Gjykata Provinciale e Madridit, Spanjë, e ka dënuar me 6 vjet burgim, për veprën penale “Trafikimi i lëndëve narkotike”.
Nga dënimi, Roberto Bascos, i kanë mbetur për të kryer 1 vit e 5 muaj burgim.
Vijojnë procedurat për ekstradimin e këtij shtetasi, në Spanjë.
Njoftimi i Policisë:
Durrës
Policia Kufitare Durrës, si rezultat i shkëmbimit të informacionit mes Interpol Tiranës dhe Interpol Madridit, finalizoi operacionin e koduar “Porta”.
Gjatë operacionit është arrestuar, me qëllim ekstradimin në Spanjë, shtetasi italian Roberto Basco, 59 vjeç.
Ky shtetas ishte shpallur në kërkim ndërkombëtar, pasi Gjykata Provinciale e Madridit, Spanjë, me vendimin e datës 19.09.2019, e ka dënuar me 6 vjet burgim, për veprën penale “Trafikimi i lëndëve narkotike”, parashikuar nga Kodi Penal i Spanjës. Nga dënimi i kanë mbetur për të kryer 1 vit e 5 muaj burgim.
Më datë 26.02.2019, në aeroportin e Madridit, n¬ë valixhet e shtetasit Roberto Basco, janë gjetur 7 pako me lëndë narkotike kokainë (me peshë totale rreth 5.6 kg), që i kishte sjellë nga Kolumbia, me qëllim shitjen.
Vijojnë procedurat për ekstradimin e këtij shtetasi, në Spanjë.
j.l./ dita
