Sulmuesi francez Antuan Grizman tashmë është zyrtarisht lojtari i Atletiko Madrid. Kontrata e tij do të zgjasë deri në vitin 2026. Lajmi është bërë i ditur nga klubi nëpërmjet një postimi në Twitter.
“Atletiko Madrid dhe Barcelona kanë arritur marrëveshjen për transferimin e Antuan Grizman, i cili që nga vera e vitit 2021 dhe deri më sot kishte luajtur për klubin tonë në formë huazimi. Sulmuesi francez ka nënshkruar një kontratë që do ta lidh atë me klubin tonë deri më 30 qershor 2026”, thuhet në deklaratën e klubit.
Antuan është golashënuesi i katërt më i mirë në historinë e Atletikos dhe më i larti në garat evropiane. Rekordi i tij përfshin një Superkupë spanjolle në 2014, një Ligës së Europës dhe një Superkupë Europiane në 2018. Përpara transferimit tek Barcelona, ai ka luajtur 304 ndeshje zyrtare, 59 asistime dhe 114 gola me fanellën e Atletikos.
Francezi i cili ka ulur sërish rrogën për të balancuar llogaritë bardhekuq, është shprehur i lumtur për marrëveshjen e arritur dhe e ka bërë të ditur në rrjetet e tij sociale me një mesazh: “Jam i lumtur që jam këtu ku dua. Faleminderit të gjithëve!”
Ai do të debutojë kundër Bruzhit ku së bashku me Korrean dhe Moratën do të synojnë ti japin fitoren ekipit.
j.l./ dita
