Avokati Ervin Karanxha ka shprehur kundërshtinë e tij ndaj standardit të vendosur nga SPAK dhe GJKKO për arrestimet e kryebashkiakut tw Tiranës, Erion Veliaj.
Ai bëri krahasime me sistemin e drejtësisë në SHBA, duke përmendur raste të politikanëve të njohur si ish-presidenti Donald Trump dhe kryebashkiaku i Nju Jorkut, të cilët janë hetuar në gjendje të lirë.
“Personalisht nuk jam dakord me standardin e vendosur nga SPAK dhe nga GJKKO duke filluar që nga ish-presidenti Ilir Meta, duke filluar dhe tek ish-presidenti Sali Berisha dhe duke përfunduar tek Erion Veliaj. Këta mund të hetoheshin dhe në gjendje të lirë. Është një person publik, nuk ka rrezik ikje, nuk ka rrezik të bëjë provat. Këta amerikanët e famshëm që kanë ardhur që kanë asistuar gjithë kohës Opdatin, këta të famshëm në amerikë kanë një tjetër standard. Kryetari i bashkisë së New York ka qenë me masë sigurimi detyrim paraqitje për korrupsion, ish-Presidenti Donald Trump ka qenë me 98 akuza edhe shumë zyrtarë të tjerë që janë hetuar në gjendje të lirë, të hetohet, por të mos caktohet masa”, shtoi ai.
