Sassuolo triumfon në transfertën ndaj Cosenza-s dhe siguron kalimin në raundin e 1/16-ave të Kupës së Italisë. Vendasit ishin ata që gjetën rrugën drejt rrjetës të parët dhe zhbllokuan sfidë në minutën e 9’ me Tutino, që realizoi nga pika e bardhë e penalltisë.
Protagonist në këtë ndeshje për Sassuolon ishte edhe mesfushori i kombëtares shqiptare të futbollit, Nedim Bajrami, i cili barazoi sfidën në minutën e 45+4’. Në minutën e 78’ Pinamonti kaloi miqtë në avantazh, duke shënuar nga pika e bardhë e penalltisë.
Megjithatë në minutën e 90+1’ Mazzoçhi shënoi për Cosenza-n, duke e çuar ndeshjen në shtesë. Në minutën e 100’ Calo la vendasit me 10 lojtarë në fushën e lojës, duke dalë me të kuq.
Sassuolo e shfrytëzoi superioritetin numerik dhe kaloi në avantazh me Ceide në minutën e 105’, teksa 10 minuta më pas Mulattieri bëri “poker” për miqtë dhe tre minuta më pas, më saktë në minutën e 118’ po ai do të shënonte, duke vulosur këtë takim. Në fund gjithçka u mbyll me rezultatin 2-5, me Sassuolo që kalon në fazën e 1/16-ave të Kupës së Italisë.
