Skuadra e Ilir Dajës siguron titullin 1 javë para fundit. Ballkani është shpallur për sezonin e dytë radhazi kampion i Kosovës. Skuadra nga Suhareka e drejtuar nga Ilir Daja e siguroi matematikisht titullin 1 javë para mbylljes së kampionatit.
Fitorja 2-0 e Ballkanit ndaj Ferizajt dhe humbja 1-0 e Dritës me Malishevën krijuan distancën e mjaftueshme mes rivalëve.
Një kampionat më i vështirë dhe i luftuar në krahasim me të kaluarin, ku skuadra e Ilir Dajës u shkëput me pikë, pa harruar edhe paraqitjen e suksesshme në kupat e Europës ku shkoi deri në grupet e Conference League.
Pak ditë më parë në Maqedoninë e Veriut një tjetër trajner i njohur nga Superiorja, Shpëtim Duro, shpalli Strugën për herë të parë kampione. Si Ballkani dhe Struga, do të marrin pjesën në kualifikueset e Champions League.
m.b./dita
