Presidenti i SHBA-ve Joe Biden gjatë një konference për shtyp, u shpreh se nuk do të kërkojë falje për rrëzimin e objektit të katërt, por megjithatë do të flasë me presidentin kinez.
Biden theksoi se nuk është penduar që ka rrëzuar balonën e parë mbi Karolinën e Jugut dhe nuk i ka kërkuar falje Kinës dhe as nuk ka ndërmend.
Presidenti amerikan, Joe Biden, tha se pret që të flasë me homologun e tij kinez, Xi Jinping, lidhur me atë që Uashingtoni thotë se ishte balonë kineze e spiunazhit që avionët amerikanë e rrëzuan më herët gjatë këtij muaji teksa po kalonte mbi SHBA.
“Nuk jemi pranë një lufte të re të ftohtë”, tha Biden më 16 shkurt.
Biden tha se Shtetet e Bashkuara po vazhdojnë angazhimin diplomatik me Kinën për këtë çështje.
“Pres të flas me presidentin Xi, dhe shpresoj se do t’i shkojmë kësaj çështjeje deri në fund. Por, unë nuk kërkoj falje për rrëzimin e balonës”, tha Biden kur foli lidhur me kundërshtitë e shprehura nga Pekini.
Joe Biden ka qenë nën presion në rritje për të folur drejtpërdrejt me publikun për balonën e supozuar të mbikëqyrjes kineze, si dhe për tre objektet e paidentifikuara që avionët luftarakë amerikanë janë përpjekur të shkatërrojnë gjatë javës së kaluar.
m.b./dita
