Falë triumfit 2-4 në stadiumin “RCDE” përballë Espanyol, Barcelona siguroi matematikisht katër javë para fundit të LaLiga-s, titullin numër 27 në histori. Për katalanasit ishte një sezon të cilin e dominuan totalisht duke koleksionuar 27 fitore ndërsa skuadra e trajnerit Xavi Hernandez rezulton edhe si mbrojtja më e mirë me vetëm 11 gola të pësuar.
Pas festës së të dielës, radhën e kishte festa në rrugët e qytetit aty ku lojtarët dhe tifozët blaugrana janë bërë një për triumfin madhor teksa në sezonin pasardhës, trajneri Xavi dhe lojtarët do të tentojnë ta rikthejnë skuadrën edhe te suksesi europian.
