Kryetarja e Gjykatës Kushtetuese, Holta Zaçaj në një komunikim për mediat ka bërë sot bilancin e vitit 2023.
Gjatë fjalës së saj, ajo theksoi se nuk ka çështje të prapambetura.
Zaçaj tha se ka pasur 452 kërkesa për shqyrtim përgjatë vitit 2023.
Ajo tha se 6 vendime janë marrë për kërkesa të paraqitura nga një grup deputetesh, 3 nga organizatat, 2 nga gjykatat dhe 59 nga individë.
“Kjo gjykatë nuk ka stok të çështjeve të prapambetura si gjykatat e tjera. 6 vendime janë kërkesa të paraqitura nga një grup deputetesh, 3 nga organizatat, 2 nga gjykatat dhe 59 nga individë. Ndërkohë, 30 vendime janë marrë unanimisht, ndërsa 40 me shumicë votash. Edhe pse me buxhet te pamjaftueshëm.
Gjykata mori disa nisma për disa drejtime. Miratoi rregullore për funksionimin e gjykatës. Miratoi rregulloren për komunikimin e gjykatës me mediat.
Një arritje e madhe 2023 është hartimi udhërrëfyes i GjK që gjendet në websiten e gjykatës. Pasja e një guide e jurisprudencës kushtetuese paraqet në mënyrë të strukturuar standardet të caktuar nga gjykata dhe i shërben edhe praktikantëve të ligjit.
Veprimtaria e gjykatës kushtetuese gjatë 2023 ishte impenjuese. Trupa e re ka sjellë diversitet të dobishëm në realizime të rëndësishme”, tha ajo.
j.l./ dita
