Të hënën, Ministria e Jashtme e Indisë dha dritën e gjelbërt për marrjen e vizës së ekipit kosovar, ndërkohë që disa orë më vonë, Federatës së Boksit të Kosovës iu kushtëzua pjesëmarrja e Donjeta Sadikut në këtë event.
Organizatorët e Botërorit bënë me dije se pjesëmarrja e boksieres kosovare mund të bëhej vetëm në rast se flamuri i Kosovës dhe himni shtetëror nuk do të përdoreshin në ndonjërën nga ceremonitë gjatë kampionatit botëror, si dhe pjesëmarrësit e Kosovës nuk do të mbanin flamurin e tyre, qoftë edhe në veshjet e tyre.
Duke parë këto kushte nga shteti i Indisë, Federata e Boksit të Kosovës në bashkëpunim me Komitetin Olimpik të Kosovës dhe Ministrisë së Kulturës, vendosi mos të udhëtojë për në Indi.
Kjo është hera e tretë që Sadikut i mohohet pjesëmarrja në Kampionatet Botërore, kësaj here në Indi.
j.l./ dita
