Skuadra e Burrelit do mbetet në Kategorinë e Parë, ndërkohë që liqenorët e Pogradecit dështuan të riktheheshin dhe duhet të provojë sërish sezonin e ardhshëm, për t’u rikthyer në divizionin e dytë të futbollit shqiptar.
Finalja e “play-out” e Kategorisë së Parë, që u luajt në “Egnatia Arena” të Rrogozhinës, u mbyll 2-1 për skuadrën matjane, me një përmbysje epike, teksa liqenorët kaluan të parët në avantazh. Të parët kaluan në avantazh liqenorët falë golit të Nebojsa Cirkovic (41’), ndërkohë që pesë minuta më parë skuadra e Pogradecit kishte humbur një penallti. Me Ildian Shytin që nuk ia doli të dërgonte topin në rrjetë.
Burreli reagoi në fraksionin e dytë të takimit, gjatë së cilit shënoi dy herë, përmbysi rezultatin dhe festoi fitoren, duke siguruar qëndrimin në të Parën. Donald Kurbneshi barazoi takimin me penallti (56’), ndërkohë që përmbysja e Burrelit u kompletua nga eurogoli i brazilianit Deivid Silva Costa (70’).
- Publicitet -
Një tjetër skuadër që qëndroi në të Parën ishte edhe Lushnja.
