Enri Çekiçi nuk do të largohet nga Turqia. Mesfushori i kombëtares shqiptare raportohet nga mediat turke së është shumë afër firmos me skuadrën turke. Bëhet fjalë për Rizespor, ekip që këtë vit siguroi ngjitjen në Superligën turke.
Pogradecari sezonin e mbylli me Konyaspor, me palët që vendosën të mos vazhdojnë bashkëpunimin mes tyre. Sipas “ Karadenizgazete.com” raportohet se zyrtarizimi i lojtarit pritet të bëhet brenda dy ditësh.
Indikatori kryesor është trajneri i kësaj skuadre, pikërisht Ilhan Palut, ish-trajneri i Çekiçit me Konyaspor. Kujtojmë se te Rizenspor 26-vjeçari do të pritej nga një tjetër lojtar shqiptarë, pasi Enriko Papa mban veshur aktualisht fanelën e skuadrës turke.
