Bruce Lee (1940–1973) mbetet ikona më ndikuese e arteve marciale në historinë moderne dhe një urë lidhëse kulturore midis Lindjes dhe Perëndimit. Edhe pse jetoi vetëm 32 vjet, ai revolucionarizoi mënyrën se si kinematografia aziatike dhe artet marciale shiheshin globalisht.
Lindi në San Francisko (më 27 nëntor 1940) gjatë një turneu të babait të tij, i cili ishte aktor opere kineze, por u rrit në Hong Kong.
Si adoleshent në Hong Kong, ai filloi të mësonte stilin Wing Chun nën drejtimin e mjeshtrit të famshëm Ip Man, kryesisht për t’u mbrojtur nga bandat e rrugës.
Në moshën 18-vjeçare u ktheu në SHBA për të vazhduar shkollimin (studioi filozofi në Universitetin e Uashingtonit), ku nisi të jepte edhe mësime të arteve marciale.
Lee u bë kritik ndaj “formave të ngurta” të arteve marciale tradicionale, të cilat i cilësonte si jopraktike për luftimin real.
”Ji si uji, mik” (“Be water, my friend”) – ishte filozofia e tij kryesore. Uji përshtatet me çdo enë, është i butë por mund të çajë shkëmbin.
Në vitin 1967, ai krijoi stilin e tij, Jeet Kune Do (Mënyra e Grushtit Ndalues). Ky nuk ishte thjesht një stil, por një filozofi “pa rregulla”, që merrte elementet më të mira nga Wing Chun, boksi perëndimor dhe fendimi (skermë).
Sot, ai konsiderohet gjerësisht si “babai i Arteve Marciale të Përziera” (MMA).
n.s. / dita
