Artur Zheji është ndarë sot papritur nga jeta. Ai ka qenë duke festuar ditëlindjen e djalit në zonën pranë Bukovileve ka kanë një banesë verore.
“Dalim se nuk ndihem mirë” kanë qenë fjalët e tij në lokal dhe pak më pas në rrugë ka kërkuar të ulet diku, por ka qenë vonë. Bashkëshortja dhe djali kanë kërkuar me urgjencë një ambulancë.
Zheji 64 vjeç ka bërë një ndërhyrje kirurgjikale në Gjermani disa muaj më parë.
Por ai i mohoi lajmet se ishte sëmurë. Në një intervistë ka pohuar se ndodhet në Sarandë me familjen dhe se lajmet që qarkullojnë për semundjen e tij të janë si “puçrrat që u dalin fëmijëve nga djersa e vapës”.
Ai pranoi se ka kryer një ndërhyrje të lehtë kirurgjikale në Gjermani, por sipas tij këto tre muaj ka preferuar të kujdeset për vetën, duke hequr “prizat’ nga zhvillimet e përditshme. Ja intervista e tij e asaj kohe publikuar nga DITA:
Zheji, më në fund si jeni?
Zheji: Do të doja që shumica e miqve të mi, që ua dua të mirën, të mos ndalojë së notuari në det, ashtu si po bëj unë në mënyrë të përditshme. Pse çfarë ka ndodhur?
Thuhet në disa portale se vijoni të jeni sëmurë…?
Zheji: Më duhet ti përgënjeshtroj. Ndoshta, ndokush ka dëshirë të jetë ashtu dhe dëshirat i shndërron në përfundime, zakon shqiptar jo i shëndetshëm ky. E vërteta është se, këto dy tre muajt e fundit, u kujdesa për shëndetin, më me vëmendje se më parë, pasi bëra një ndërhyrje kirurgjikale të lehtë dhe të shpejtë, në Gjermaninë e bekuar nga Zoti.
Porse fill pas kësaj, kam parapëlqyer të heq “prizat”, nga e përditshmja mediatike dhe politike shqiptare, për të ulur stresin dhe kotësinë e rënies në kurthin e lajmeve të verës, që shpesh janë të ngjashme me puçrrat që u dalin fëmijëve nga djersa e vapës. Është një jetë e re në trekëndëshin, diell, det dhe familje…
Pastaj mungesat në Shqipëri, ndonjëherë të bëjnë më të vlerësuar se sa prania mediatike e përhershme. Është edhe kjo diçka për tu shijuar, kur mungon ca kohë, dallohet më lehtë kush të vlerëson e kush jo, ku vendin e parë e ka publiku që ka mbërritur te unë me shqetësim dhe dashuri befasuese.
Dita
Njeri pozitiv ka qene. U kujtofte per mire!
Zoti e pranofte ne xhenet.ngushellime familjes
Gazetari, moderatori, intelektuali i moderuar, i pranuar nga gjithe publiku ,shume me lart se shume gazetare te tjere e moderatore.
Dhe kur ftonte njeri ne studio kurre nuk e bezdiste apo ngacmonte .
Do mbahet mend gjate si njeri shume pozitiv.
Shume i sakte i nderuar “ce”! Po, Artur Zheji ishte i gjithpranuar! Pushofte ne paqe! Keto lloj largimesh te befta nga jeta, jane shume te renda per familjaret dhe miqte ! Ngushellime per ata!
Zheji ,megjithese eshte dashur te merret me politike dhe analiza politike,eshte pranuar nga te majtet dhe te djathtet ,sepse i tille ka qene….respektonte idete dhe partite,respektonte njeriun dhe mendimin ndryshe! Ne aktivitetin e tij te gjate ne arte dhe gazetari,ka qene intelektual puntor dhe i thelle ne njohurite filozofike dhe shoqerore! Zheji ishte nje pasues i denje i “OXHAKUT” erudit te familjes. I ndrit shpirti dhe emeri perjetsisht!