Gjykata e Tiranës ka pranuar kërkesën e prokurorisë dhe ka dënuar me një total prej 55 vitesh burg dy autorët e vrasjes së biznesmenit Edmond Papa, ngjarje që ndodhi në dhjetor të vitit 2022 në zonën e Selitës, në Tiranë.
Andrew Bode u dënua me 30 vite burg për veprën penale “vrasje me paramendim” kryer në bashkëpunim dhe “mbajtje pa leje e armëve”. Ai konsiderohet si ekzekutori i biznesmenit.
Ndërsa 30-vjeçari Alban Velo u dënua me 25 vite burg për të njëjtën vepër penale – “vrasje me paramendim” kryer në bashkëpunim.
Të dy të pandehurit do ta vuajnë dënimin në një institucion të sigurisë së lartë, për shkak të rrezikshmërisë së tyre të lartë shoqërore.
Ngjarja e rëndë ndodhi më 16 dhjetor 2022, në rrugën “Fadil Bodinaku” në zonën e Selitës. Edmond Papa u qëllua me nëntë plumba nga autorët, të cilët u larguan menjëherë nga vendi i ngjarjes. Viktima ndërroi jetë rrugës për në spital.
Edmond Papa ishte një emër i njohur për autoritetet, me precedent penal në Greqi për trafik droge, si dhe i skeduar më parë edhe në Britaninë e Madhe.
Sipas hetimeve, motivi i vrasjes ka qenë hakmarrja, ndërsa zbardhja e plotë e ngjarjes u bë vetëm disa javë pas atentatit.
j.l./ dita
Ja pra qe ndonjehere (kur duan) jepen dhe denime aq sa duhen 30 vite per vrasesin e 25 per bashkepunetorin e tij.
Sikur te ndiqej ky model denimesh per tere vrasjet do kishim shume me pak vrasje ne rruge, sigurisht.
Por veprohet me “ca te Nenes e ca te Njerkes”. Ne korrik 2020 ne nje lokal ne mes te Elbasanit dhenderri i Qazo Sejdinit (kreu Bashkise per shume vite) njefare Sokol Sanxhaktari me skeden bloze e shume ndalime nga policia (por kurre denime) vret ne bashkepunim me nje tjeter nje person duke e masakruar me karrige e duke i care kafken dhe denohet me me pak se 10 vite burg. Se atehere kishte vjehrrin Lalen Qazo qe ja zbardhte skeden kriminale dhe ja mundesonte zbutjen e denimit maksimalisht. Per te shpresuar pastaj per ndonje lirim te parakohshem “per sjellje te mire” aty ne burg.
Ce pyetje kisha per ju gazetaret se kushedi s’i kuptojme ca gjera.
Pse e cilesoni viktimen biznesmen?
Te cfare fushe? Te fushes se narkotikeve dhe vrasjeve?