Detaje të reja janë zbardhur nga atentati i mbrëmjes së sotme në Tiranë, ku një automjet i kompanisë së sigurisë private, “Pelikani Security” është qëlluar me armë zjarri teksa ishte në lëvizje.
Katër persona kanë mbetur të plagosur, mes tyre dy të mitur, nga një atentat mbrëmjen e kësaj të enjteje në Unazën e Madhe, pranë Agro Park Tirana.
Arenc Stafa, 34 vjeç, Kian Mullahi, 19 vjeçar është edhe djali i Elona Mullahi, anëtare e bordit të korporatave në Raiffeisen Bank. Si dhe i mituri me inicialet D.B, 11 vjeç dhe M.B.,17 vjeç – përkatësisht nipi dhe djali i Vesel Bardhit, pronarit të ‘Pelikani Security’ – po udhëtonin me një mjet “G Class” kur autorët me një fuoristradë u janë afruar dhe kanë qëlluar drejt tyre.
Pasi është qëlluar, makina e të plagosurve, dyshohet se ka lëvizur drejt Lundrës në përpjekje për t’iu larguar atentatorëve, drisa shoferi Arens Stafa ka humhur ndjenjat dhe ka ndaluar. Nga aty dyshohet se persona të tjerë që kanë konstatuar makinën i kanë dërguar në spital.
34 vjeçari dhe 19 vjeçari janë të dëmtuar në dorë dhe krah, por ndodhen jashtë rrezikut për jetën, ndërsa 11-vjeçari ndodhet në gjendje të rendë shëndetësore në sallën e operimit në Spitalin e Traumës.
Fatmirësisht, 17-vjeçari ndodhet në gjendje të stabilizuar shëndetësore dhe me kërkesë të familjarëve, pas shtrimit në Spitalin e Traumës, është dërguar në një spital privat.
