Katër efektivët që dhunuan shqiptarin e burgosur në Greqi janë liruar nga qelia. Mediat greke shkruajnë se policët kanë kërkuar falje dhe autoritetet kanë vendosur që tu japin lirinë.
Gjithçka ndodhi në momentin që efektivët po transferonin shqiptarin nga Selaniku në burgjet e Koridhalos.
Të burgosurit e tjerë që ndodheshin në të njëjtin furgon kanë rrëfyer se policët kanë nisur ta dhunojnë shqiptarin pa asnjë shkak.
Ku mbërritën në burgun e Koridhalosit në Athinë, policët i vendosën shqiptarit një helmetë në kokë në mënyrë që të mos i dukeshin shenja e dhunës, por ngjarja u zbardh nga denoncimet e bëra nga të burgosurit e tjerë.
Policët grekë fillimisht kanë pretenduar se helmeta ishte vendosur pasi i burgosuri po tentonte të godiste vetë kokën, por më vonë rrëfyen gjithçka.
j.l./ dita
