Procesi për regjistrimin në KQZ nga emigrantët jashtë vendit, me qëllim pjesëmarrjen në zgjedhjet parlamentare të 11 Majit po vijon me ritme të larta.
Deri më tani kanë aplikuar rreth 98 mijë emigrantë për t’u bërë pjesë e procesit dhe ushtruar të drejtën e votës. Afro 62 mijë aplikime janë miratuar, ndërsa refuzuar janë 36 mijë aplikime.
KQZ pohon se vazhdon të jetë problem dokumenti që provon adresën ku jeton emigranti.
Ilirjan Celibashi publikoi sot (29 janar) edhe disa nga gabimet ‘trashanike’ që bëjnë emigrantët, duke dhënë tabela afër banesës, fatura, bileta avioni e adresën e vendit të punës.
Italia është vendi nga ku kanë ardhur rastet më të mëdha të refuzimit, me 45% të totalit të aplikimeve të gabuara.
8 mijë refuzime janë nga Greqia, ndërsa shqiptarët e Gjermanisë janë refuzuar në rreth 3500 raste.
Celibashi u shpreh në një postim në rrjetin social Facebook se:
“KQZ Shqiperi u kujton të gjithë shtetasve shqiptarë që aplikojnë për regjistrim në listën e zgjedhësve nga jashtë që Shërbimi i Ndihmës për Aplikuesit është aktiv 24 orë në ditë. Falë punës pa orar të ekipit të ndihmës, aplikuesit orientohen të mos bëjnë gabime si këto të ilustruara më poshtë. KQZ mbron të dhënat personale të shtetasve sipas legjislacionit në fuqi dhe fton shtetasit të tregojnë kujdes me ndarjen e informacioneve që nuk kanë vlerë për regjistrimin në PER”.
i.b./dita
Mungesa e nje adrese banimi padyshim e ben te pavlefshem kerkesen.Nese injorohet zarfet me fleten e votimit do i gjejme ne tregun e zi per shitje.
Edhe pse 35 vjet qe banoj ne te njeten adres si ne shqip ashtu dhe jasht kqz refuzoj te 5 antaret e familjes.adresa e gabuar thot.keto jan lojrat per ata qe nuk duan qe bashkadhetaret te votojne pasi nuk kontrollojne voten e tyre dhe per shpenzimet.
Kjo eshte e vertet edhe mua nuk më pranojne,edhe pse kam adresen e sakte ketu ku banoje jashte shtetit
jam me dokumenta te rrregullta te shtetit Italian(qytetar i bashkimit europian) gjithashtu jam me dokumenta te rregullta te shtetit amë te Shqiperise, dhe nuk me pranojne.