Disa këshilla për të krijuar një kuzhinë komode

Jeta ndodh në kuzhinë. Kuzhina jonë është një hapësirë nëpër të cilën kalojmë shumë herë në ditë, duke bërë kafe, ose duke gatuar një vakt të shijshëm. Nga të gjitha dhomat në shtëpinë tuaj, vendosja e kuzhinës ka më shumë rëndësi. Si një hapësirë funksionale, përvoja juaj në kuzhinë ndikohet në mënyrë direkte nga sa lehtë mund të lëvizni nëpër hapësirë kur gatuani, ose pastroni.
Nëse po planifikoni një rinovim kuzhine, ose po dizajnoni një kuzhinë të re, disa këshilla do t’ju ndihmojnë të krijoni një hapësirë që do t’ju pëlqejë.

TREKENDËSHI I PUNËS NË KUZHINË
Tre elementët më të rëndësishëm të dizajnit të kuzhinës suaj janë soba, frigoriferi dhe lavamani. Gatimi dhe pastrimi i kuzhinës mund të bëhet një detyrë e mundimshme nëse do ju duhet të bëni xhiro rreth një plani të projektuar jo mirë. Një plan i mirë i kuzhinës do t’ju lejojë të lëvizni lehtësisht. Gjithashtu të sigurojë hapësirë të mjaftueshme, në mënyrë që nëse gatuani së bashku me dikë tjetër, të mos të pengoni vazhdimisht njëri-tjetrin. Për ta bërë të mundur këtë, kuzhina duhet të krijojë një “trekëndësh pune” midis sobës, frigoriferit dhe lavamanit, i cili zakonisht është me kënd midis 15° dhe 25°.

ELIMINONI ELEMENTËT E PANEVOJSHËM
Përveç qarkullimit, kur hartoni një plan të kuzhinës, mendoni se cilat detyra kryeni më shpesh. Do t’i kurseni vetes shumë kohë, duke eleminuar sendet e panevojshme dhe vendosur sendet e nevojshme, për të përfunduar një detyrë lehtësisht.

NGJYRAT DHE TEKSTURAT
Kombinimi juaj i ngjyrës dhe teksturës është zgjedhje që i përshtatet shijeve dhe stilit tuaj. Balancimi i tyre ofron një hapësirë komode, duke ju ftuar të hyni pa shumë shpërqendrime.
Ngjyra ndikon në perceptimin tuaj të hapësirës, për shembull, paleta me ngjyra të ftohta pasqyrojnë hapësira më të gjera. Ju gjihashtu mund të zgjidhni të shtoni një ngjyrë të theksuar në kuzhinën tuaj. Në varësi të stilit që dëshironi të krijoni, ndërsa teksturat duhet të flasin vetë, duke paraqitur një hapësirë të gjallë. Këto tekstura mund të përfshijnë dollapë druri, kombinime mozaiku apo qeramikë me modele.

NDRIÇIMI
Në disa raste kuzhinat mund të kenë një dritare standarde, që mundëson ajrosjen dhe ndriçim natyral. Përsa i përket ndriçimit artificial, mund të përfshini disa teknika, nga ndriçimi i drejtpërdrejtë në atë indirekt. Pajisjet moderne të varura për tavane më të larta, janë gjithmonë dinamike. Ndriçimi indirekt pasqyron grafikisht nuancat e kuzhinës dhe nxjerr në pah teksturat e saj. Duke qenë se plotëson rinovimin e kuzhinës, zakonisht është më shumë një element dizajni sesa një opsion ndriçimi. Ju mund të dëshironi të theksoni pllakat tuaja të bukura, për shembull me dritat led të kabineteve të sipërme.