Presidenti i SHBA-së, Donald Trump, ka bërë një deklaratë që ka tronditur komunitetin shkencor dhe opinionin publik.
Gjatë një fjalimi të mbajtur të hënën, Trump lidhi autizmin me përdorimin e paracetamolit (acetaminofen) gjatë shtatzënisë, pa ofruar asnjë provë shkencore që mbështet këtë pretendim.
“Sipas një thashethemi, dhe nuk e di nëse është i vërtetë në Kubë nuk përdorin paracetamol sepse nuk e kanë. Epo, atje thuajse nuk ka autizëm”, tha Trump.
Ai shtoi më tej: “Merrni për shembull Amishët. Ata pothuajse nuk kanë autizëm.”
Trump pati gjithashtu vështirësi në shqiptimin e fjalës “acetaminofen”, përbërësit aktiv të ilaçit të njohur Tylenol, ndërsa këmbënguli që gratë shtatzëna të mos e marrin atë, duke mos përmendur asnjë alternativë për dhimbjet apo temperaturën gjatë shtatzënisë, shkruan Reuters.
Duke iu drejtuar Sekretarit të Shëndetësisë, Robert Kennedy Jr., një figurë e njohur për qëndrimet kundër vaksinimit, Trump shtoi:
“Bobby dëshiron të jetë shumë i kujdesshëm për atë që thotë. Unë nuk jam aq i kujdesshëm”, tha presidenti amerikan.
79-vjeçari pranoi se shumë nga deklaratat e tij janë “thjesht mendime personale”, duke theksuar se nuk është mjek, por flet sipas ndjesisë së vet.
j.l./ dita
Akoma me trump?! Ai eshte RRK.
Problemi eshte qe eshte ne krye te shtetit me te rendesishem te perendimit dhe Te botes…. zoti na ruajte dhe per nja tre vjet te tjera.
E mjera Amerike ke ka presidenr!?I doli pune edhe me paracetomolin!?
Vijani veshin. Kot nuk doli gjalle nga Covidi burre plak shtatedhjete vjec e kusur, pa bere vaksinen.
Sic edhe thote keto nuk i ka nga xhepi vet por jane te dhena nga Sek. Shendetsise Robert Kennedi pra eshte zeri i ketoj te fundit qe spranon te flase ne kete pike.