Ora e shkatërrimit që parashikon se sa pranë zhdukjes është njerëzimi, këtë vit është ndalur me 89 sekonda në mesnatë.
Vitin e shkuar, ora e njohur si “Doomsday Clock” u ndal në 90 sekonda ku si arsye për këtë ishin konfliktet luftarake në Ukrainë, Izrael, Gaza dhe tensioneve mes Kinës e Tajvanit.
Rizgjedhja e disa figurave kontroversiale këtë vit mund të ketë ndikuar në rezultat pasi Donald Trump, Vladimir Putin, Narendra Modi dhe Nicolas Maduro janë rikthyer në detyrë.
Vitet e fundit, ndryshimet klimatike kanë qenë shkaktare në lëvizjen përpara të akrepave e sidomos me zjarret katastrofike në Kaliforni dhe stuhive të fuqishme që kanë lënë mijëra njerëz pa shtëpi.
Këtë vit, Buletini i Shkencëtarëve Atomikë cilësoi përshkallëzimin nuklear, ndryshimet klimatike dhe kërcënimet biologjike si virusi Covid dhe gripi Avian si arsye kryesore. Në deklaratë u përfshinë edhe teknologjia e Inteligjencës Artificiale, përhapja e keqinformimit dhe teorive konspirative si faktorë kryesorë që ndikojnë ndryshimin.
“Me vendosjen e orës një sekondë më afër mesnatës, ne dërgojmë një sinjal të qartë: duke qenë se bota është tashmë shumë pranë rënies, lëvizja e një sekonde të vetme duhet të merret si tregues i rrezikut ekstrem dhe një paralajmërimi të pagabueshëm se çdo sekondë vonesë në kthimin pas rrit probabilitetin e katastrofës botërore”, deklaroi Juan Manuel Santos.
Vitin që lamë pas, Rachel Bronson, presidente dhe CEO e Buletinit tha për Metro: “Çdo vit ne bëjmë dy pyetje. Është njerëzimi më i sigurt apo në rrezik më të madh këtë vit, krahasuar me vitin e kaluar? Dhe është njerëzimi më i sigurt apo në rrezik më të madh krahasuar me 75 vitet e shkuara?”
Disa vite, akrepat nuk lëvizin duke treguar se situata botërore ka mbetur e njëjta.
Në vitin 2020, ajo u vendos në 100 sekonda në mesnatë dhe mbeti e tillë për 3 vitet që pasuan.
Në vitin 1991, akrepat lëvizën pas sepse mbaroi Lufta e Ftohtë dhe SHBA e Rusia firmosën Traktatin e Reduktimit të Armëve Strategjike.
i.b./dita
Keto duken si teori konspirative,
por krijusit e tyre duket se Po na
dergojne mesazhin qe situatat Po
keqesohen dhe njerezit ne vend
qe te tregohen te pa ngopur duhet
te mobilizohen ne te gjitha fushat
e aktiviteteve te tyre, te forcoje
disiplinen dhe respektojne hierarkit
qe drejtohen nga ATO personalitete
qe i kane arritur ATO Pozita shume te
larta me merita dhe Jo me intriga e
kodoshlleqe e mjete korruptive.
Kush i levizka keta akrepat njehere para e njehere mbrapa, se ora ecen vetem para, nga e majta ne te djathte. Ruleta ne Kazino leviz nga te dy anet. Thjesht i bejne presion psikologjik njerezimit, me keta brockulla. Kete duhet ta quajne ruleta globale, por kurrsesi nje Ore.
Jo jo kjo duket si bathet e priftit qe i perdorte te parashikonte kohen.