Dy ish drejtorëve të Bashkisë Tiranë i shtohet një tjetër akuzë nga Prokuroria e Posaçme.
Prokurori i çështjes Klodian Braho i shtoi akuzën “pastrim parash” Redi Mollës si dhe Mariglen Qatos.
Komunikimi i akuzës tjetër iu bë e njohur atyre dhe avokatëve në seancën e kësaj të hënë e cila u zhvillua në orën 10.00.
Ndërsa për Taulant Tushen u kërkua zgjatja e afatit hetimor me tre muaj, kërkesa e cila u pranua nga gjykata.
Në 2 korrik të këtij viti, SPAK i komunikoi akuzat “Korrupsion pasiv” dhe “mosdeklarim të pasurisë” Mollës dhe Qatos, ndërsa Tushes i komunikoi akuzën “shkelje e barazisë në tendera”.
Tushe, Molla dhe Qato u arrestuan në muajin mars të këtij viti me urdhër të Prokurorisë së Posaçme Antikorrupsion, në kuadër të hetimeve për dosjen “5D”.
Tre ish drejtorët u lanë në masën “arrest në burg”, ndërsa pesë persona të tjerë në masën “detyrim paraqitje”, konkretisht Enton Punavija, Julian Zanaj, Albano Janku, Nestor Muhamellari, Deborah Keçi dhe Englatina Zere.
Sipas Spak, Qato dhe Molla janë pronarë de facto të kompanisë “5D”, e cila sipas hetimeve, ka rezultuar fituese në disa tendera pranë bashkisë.
Bëhet fjalë për 11 procedura tenderimi në harkun kohorë të 6 viteve, nga 2016 deri në 2022. Kompania njihet dhe me dy emra të ndryshëm “Igor Electric” dhe “Vas construcion”.
Me akuzën e re Mollës dhe Qatos i zgjatet afati hetimor edhe një vit, ndërsa Tushes i përfundon pas tre muajsh.
j.l./ dita
Po kryekoka?! Apo sdite gjo ai, si gjithmone hanin fiq e dardha pas shpine dhe kta si ata te noltmadhnis!
Po nuk nxorren keto emra per kryetarken e nenkryetarken keshtu do te vazhdoje loja ne shqioeri si tomy and Jerry per te gjithe udheheqesit. Shumica nuk ka firmosure, punet jane kryer vetem me urdher verbale. Vetem sekuestrimi I pasurise deri ne qindarken e fundit mund te jete nje shprese.
Po si u lejua te pushtohet nje pjese e lungomares ne Durres nga gjoja pronari nga Ishmi Redi kokkungulli. Ajo toke eshte pushtuar nga pronare te rreme se ajo eshte toke shteti. Po si e lejoi IKMT ja ne Durres pushtimin e lungomares qe sapo ishte ndertuar. Turp i madh.