SPAK kërkon 4 vite e 6 muaj burg për ish-prokurorin e Vlorës, Aurel Zarka.
Për shkak të gjykimit të shkurtuar atij i ulet 1/3 e dënimit dhe përfundimisht është kërkuar 3 vite heqje lirie.
Aurel Zarka akuzohet për veprat penale “ushtrim i ndikimit të paligjshëm ndaj personave që ushtrojnë funksione publike”, e kryer 3 herë, në bashkëpunim 2 herë, “korrupsioni aktiv i gjyqtarit, prokurorit dhe i funksionarëve të tjerë të drejtësisë”, e kryer në bashkëpunim, si dhe “korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”.
Sipas SPAK, nga hetimet ka rezultuar se Aurel Zarka ka qenë një nga përdoruesit e Sky Ecc, që mundësonte komunikime të fshehta.
“Ka rezultuar e provuar se ai ka kërkuar vlera monetare për një çështje në Prokurorinë e Vlorës. Është provuar se ka kërkuar vlera monetare për favorizimin e një tjetër çështje, në bashkëpunim me Radovan Çela”, thuhej në pretencën ndaj tij.
Ndërkohë mbetet për t’u parë vendimi që do të marri Gjykata e Posaçme antikorrupsion, lidhur me akuzat dhe dënimin e kërkuar nga SPAK ndaj Zarkës.
i.b./dita
Dhe sa të tjerë e meritojnë të dënohen pas tij?
Nëse fillon të vendoset drejtësia, Shqipëria do të shpëtojë!
Mire qe prokurorin po e denoni por pritesi i TOYOTA-s sa eshte denuar sepse deri tani un as nuk e kam kuptuar se kush eshte.
eshte deputet ne kuvend, mish per top