Erion Veliaj do jetë i pranishëm fizikisht në seancën e Gjykatës Kushtetuese që do të zhvillohet më 31 tetor.
Drejtoria e Burgjeve në një përgjigje zyrtare dërguar redaksisë bën me dije se:
“Drejtoria e Përgjithshme e Burgjeve është njohur me kërkesën e Gjykatës Kushtetuese dhe ka marrë masat përkatëse që shtetasi Erion Veliaj të marrë pjesë në seancën që do të zhvillohet në datë 31 tetor në Gjykatën Kushtetuese.”
Ka qenë vetë Veliaj që ka kërkuar të jetë i pranishëm fizikisht në seancën e 31 tetorit. Gjykata ka vendosur që mund të jetë i pranishëm, duke kërkuar nga Drejtoria e Burgjeve garantimin e prezencës së tij në sallë.
Më 31 tetor Gjykata Kushtetuese e Republikës së Shqipërisë do të shqyrtojë ankimimin e Veliajt lidhur me shpalljen e vakancës së detyrës së kryebashkiakut të Tiranës – një vendimmarrje që ka të bëjë me dekretin e Presidentit për zgjedhje të parakohshme – si dhe kërkesën e Veliajt për shfuqizimin e vendimit për largimin e tij nga detyra.
Gjykata Kushtetuese do të vlerësojë nëse dekretimi i zgjedhjeve të reja dhe shkarkimi janë në përputhje me nocionin kushtetues të mbrojtjes së mandatit të zgjedhur dhe të autonomisë lokale sipas Kushtetutës.
j.l./ dita
Shenje e mire per Erjonin.