Dy persona në burg, tre në arrest shtëpie dhe shtatë me detyrim paraqitje në Policinë Gjyqësore, përbëjnë bilancin e operacionit të Policisë që në Verona prishi një rrejt të tregtimit të kokainës brenda në stadiumin Bentegodi.
12 ultras të të dyshuar të cilët janë prekur nga masat e ndëshkimit janë të moshës nga 20 deri 50 vjeç.
Kontrollet janë bërë në Verona dhe grupi në fjalë tregtonte kokainë në anën e Curva Sud, aty ku rrinë ultrasit e klubit italian të Serie A, Hellas Verona.
Aktiviteti i shpërndarjes së drogës filloi me hapjen e portave të stadiumit dhe vazhdoi gjatë gjithë kohës së ndeshjes, por vetëm kur Hellas Verona luante në shtëpi. Qindra doza droge të shitura në çdo ndeshje futbolli, të gjitha të dokumentuara nga hetimi. Për të shmangur kontrollat në portat hyrëse të sektorit të ultrasve, droga fshihej në të brendshme dhe këpucë.
p.k\dita
