Shqipëria i dha shtetësinë Dua Lipës, këngëtares me origjinë shqiptare, të famshme tashmë në të gjithë botën.
Presidenti Begaj priti këtë të dielë artisten e mirënjohur dhe vlerësoi talentin e saj, shpirtin artistik si dhe angazhimin e saj në mbështetje të kauzave sociale.
Një yll i muzikës botërore tashmë, Dua Lipa lindi në Londër në 22 gusht 1995 në një familje shqiptare nga Kosova. Ajo u shkollua mes Londrës dhe Prishtinës, ku familja e saj u vendos pas shpalljes së pavarësisë së Kosovës në vitin 2008.
Talenti i lindur dhe përkushtimi për botën e muzikës dhe artit e ndihmoi të ngjiste me guxim dhe vendosmëri shkallët e karrierës artistike që në moshë të re.
Tashmë ajo numëron shumë çmime e vlerësime për kontributin e saj në muzikë dhe art, përfshi këtu edhe tre çmime Grammy.
Ndjeshmëria e saj për çështjet sociale në vende të ndryshme të botës e ka angazhuar Dua Lipën pranë UNICEF-it, në mbështetje të fushatave për të drejtat e fëmijëve.
Pas tërmetit të 26 nëntorit të vitit 2019 në Shqipëri, Lipa u kërkoi adhuruesve të saj mbështetje dhe donacione si dhe organizoi një fushatë të mbledhjeve të fondeve bashkë me stilistë shqiptarë, të ardhurat e të cilës shkuan për familjet e viktimave të tërmetit.
j.l./ dita
CIRK ne CIRKO-KOLONI. Degjeratat nderohen. Adem Jashari injorohet.
Bukur.
Kujtuam se shpetuam nga Ilir Mataj, por paska edhe me trapa, durohet ky koqe edhe 5 vjet qe do te jape nenshtetsi dhe do te shperndaj teneqe per medalje.
Me shume pune ka pas bere Haxhi Lleshi se sa keta Presidentet e sotem.