Ekipi italian ka zhbllokuar rezultatin me një perlë të argjentinasit Paulo Dybala, që si duket ishte “asi nën mëngë’ i teknikut Murinho, i cili deri një orë para finales së Europa League përballë Sevilla, tha se ishte i dëmtuar dhe nuk do rrezikonte. Ky shpërqendrim dha efekt, teksa në minutën e 35-të, kampioni i botës kaloi në avantazh Romën në Budapest. Me këtë rezultat u mbyll pjesa e parë, teksa romanët morën edhe dy kartonë të verdhë me Pellegrini dhe Matic.
Në pjesën e dytë spanjollët rritën presionin, teksa pas një kartoni të verdhë në minutën e 48-të, Mancini do të shkaktonte edhe një autogol shtatë minuta më pas, duke lejuar Sevilla që të barazonte rezultatin e finales.
Roma po luan për të dytën herë radhazi një finale evropiane. Në “Puskas Arena”, verdhekuqtë e Josè Mourinhos përballen me Sevillan.
“Special One” synon fitoren e gjashtë radhazi në po aq finale të luajtura. Sa u përket formacioneve zyrtare, Mourinho i ka besuar që nga minuta e parë Paulo Dybalas, i cili ishte në dyshim. “La Joya” do ta nisë nga fillimi, pas rikuperimit nga dëmtimi në kyçin e këmbës në ndeshjen me Atalantën. Me të, në sulm, do të jetë Tammy Abraham.
