Drejtori i Ujësjellësit në Elbasan, Luan Tabaku, është paraqitur në SPAK paraditen e sotme (16 prill).
Paraqitja në SPAK vjen pas kontrolleve në banesë nga agjentët e Byrosë Kombëtare të Hetimit në Elbasan, pasi dyshohet se Luan Tabaku ka lidhje me bandën e Suel Çelës.
Burime bëjnë me dije se njerëz pranë Suel Çelës kanë përfituar tendera publikë nga shoqëria e Ujësjellësit Elbasan, e cila drejtohet nga Tabaku.
Pas kontrolleve, Luan Tabaku eshte thirrur sot ne SPAK per te dhene sqarime prane prokurorëve dhe agjenteve te BKH.
Ndërkohë Suel Çela një prej emrave më të njohur të botës së krimit, i shpallur me herët në kërkim në kuadër të operacionit Plumbi i Artë.
Në bazat dhe bizneset e të shumëkërkuarit në Elbasan është ushtruar kontroll ku janë marrë dokumenta dhe prova të tjera.
Goditja e organizatës kriminale ka ardhur pas zbërthimit të komunikimeve në Sky Ecc, si dhe provave të tjera të sjella nga autoritetet belge, të cilat kanë hetuar prej vitesh në trafikun e kokainës dhe pastrimit të parave.
j.l./ dita
