Një ngjarje e rëndë ka ndodhur në fshatin Balldre të Lezhës, ku një 73-vjeçar ka humbur jetën pasi ka rënë aksidentalisht në një pus.
Sipas policisë, shtetasi P.M., 73 vjeç, ishte duke punuar pranë pusit kur ka rrëshqitur dhe ka rënë brenda, duke humbur jetën si pasojë e dëmtimeve.
Forcat zjarrfikëse dhe ato të policisë së Lezhës kanë ndërhyrë menjëherë, duke bërë të mundur nxjerrjen e trupit të pajetë nga pusi.
Njoftimi i policisë
Në fshatin Balldre të Lezhës, shtetasi P. M., 73 vjeç, duke punuar afër një pusi, dyshohet se aksidentalisht ka rrëshkitur dhe ka rënë brenda në pus.
Shërbimet e Policisë, në bashkëpunim me shërbimet zjarrfikëse, kanë nxjerrë nga pusi, trupin e pajetë të 73-vjeçarit.
Grupi hetimor po punon për zbardhjen e rrethanave të rastit dhe për dokumentimin e shkakut të humbjes së jetës.
i.b./dita
