Shkupi bie ndaj Levski Sofia në stadiumin “Tose Proeski”, në takimin e parë të raudnit të dytë të Conference League.
“Pëllumbat” u mundën me rezultatin 0-2 nga skuadra bullgare në një ndeshje shumë të luftuar.
Në minutën e 30’ Levski Sofia zhbllokoi sfidën me Welton, që gjeti rrugën drejt rrjetës pas një asisti nga Rikardinho.
Shkupi pati mundësinë që të barazonte në minutën e 45+1’ me Cephas që e kaloi topin sipër kokës së portierit të Levski Sofia, por topi u largua në vijën “fatale” nga Dimitrov dhe në fund kjo pjesë u mbyll me avantazhin e bullgarëve.
Në fraksionin e dytë skuadra bullgare u shfaq edhe më dominuese, të paktën deri në minutën 69’, kur Shkupi filloi të reagonte duke ushtruar presion në portën e Andreev.
Megjithatë në minutën e 90+4’ Levski Sofia dyfishoi rezultatin, me Ronaldon që realizoi golin e dytë për ekipin e tij pas një goditjeje nga këndi.
Kështu pas një jave Shkupit i duhet të fitojë në Bullgari me tre gola diferencë që të kualifikohet në raundin tjetër të Conference League. /Supersport/
