Nuk ka dyshim se Leo Messi është një figurë legjendare në botën e futbollit dhe se vendimi i tij për të luajtur në Major League Soccer do të ketë një ndikim të madh në shumë mënyra. Menjëherë pas konfirmimit të lajmit, Inter Miami dyfishoi numrin e ndjekësve në Instagram.
Ky fenomen do të vazhdojë dhe klubi do të përjetojë rritje në pjesën tjetër të kanaleve të tij të komunikimit.
Me ardhjen e Leo Messit në futbollin amerikan, ka pasur edhe rritje të çmimeve të biletave për ndeshjet e Inter Miamit që do të luhen nga 15 Korriku e në vazhdim, pasi pritet që deri në atë kohë argjentinasi të bëhet pjesë e ekipit. Biletat shkojnë deri në më shumë se 250 Dollarë për ndeshjet e fund-Korrikut.
Për takimin ndaj Cruz Azul në Kupën e Ligës ka bileta që fillojnë nga rreth 400 Dollarë. Madje ka platforma online ku çmimi kalon 9,000 Dollarë.
Merkato e verës MLS hapet më 5 Korrik, kështu që debutimi i yllit argjentinas nuk do të bëhet deri, të paktën, në muajin e ardhshëm.
Detajet e kontratës janë duke u diskutuar, por efekti i Messit po ndjehet që tani në futbollin amerikan.
o.j/dita
