Ekuipazhi që zëvendësoi astronautët që ishin bllokuar për nëntë muaj në Stacionin Ndërkombëtar të Hapësirës (ISS), kanë hyrë në laboratorin orbital.
Një anije SpaceX dërgoi katër astronautë në një mision për të lejuar Butch Wilmore dhe Suni Williams, të cilët kanë qenë në ISS që nga qershori 2024, të kthehen në shtëpi.
Rreth 29 orë pasi raketa Falcon 9 u lëshua nga Qendra Hapësinore e NASA-s në Florida, u ankorua në ISS në orët e para të mëngjesit. Brenda ishin astronautët e Crew-10.
Ata ishin Anne McClain dhe Nichole Ayers të NASA-s, të dy pilotë ushtarakë, së bashku me Takuya Onishi të Japonisë dhe Kirill Peskov të Rusisë, të dy ish-pilotë.
Ata do të kalojnë gjashtë muajt e ardhshëm në stacionin hapësinor. Misioni i tyre do të lejojë katër anëtarë të Crew-9, të kthehen në Tokë.
U deshën disa minuta që Dragon të ankorohej në mënyrë të sigurt në ISS, në atë që është një proces i automatizuar, por u deshën rreth 1 orë e 45 minuta kontrolle shtesë të sigurisë përpara se dera të hapej.
Astronautët Wilmore dhe Williams mbërritën në Stacionin Hapësinor Ndërkombëtar në qershor 2024 dhe pritej të qëndronin në hapësirë për rreth 10 ditë.
Por rikthimi i tyre u shty për shkak të problemeve mekanike me mjetin e tyre hapësinor, i cili pas disa javësh riparimesh u dërgua drejt Tokës pa ekuipazh në bord. Kthimi i tyre shty disa herë për shkak të vonesave të tjera teknike.
j.l./ dita
