Në një kohë kur shumë të rinj i shmangen librave dhe shkollës, një burrë 74-vjeçar nga Kamza jep një leksion të vërtetë për këmbënguljen dhe dashurinë për dijen.
Skënder Cena, i lindur më 8 nëntor 1951, është maturanti më i vjetër që zhvillon sot provimin e anglishtes në Shkollën e Mesme Profesionale Kamëz. Ai rikthehet pas disa vitesh në këtë institucion për të dhënë provimin e fundit që i mungon për të përmbyllur maturën shtetërore, në degën “Shërbime mjetesh transporti”.
Skënderi ka përfunduar të gjithë ciklin mësimor part-time në vitin 2016, por pa dhënë gjuhën e huaj. Sot, me një përkushtim të rrallë dhe përkundër moshës dhe vështirësive me shikimin, ai është paraqitur për të dhënë provimin e anglishtes.
Ai është pajisur me formularin përkatës dhe do të asistohet në provim për shkak të problemeve me shikimin, por me një vullnet që nuk e ndal as mosha, as pengesat fizike.
Rasti i Skënder Cenës është një shembull frymëzimi për të gjithë, veçanërisht për të rinjtë: dëshira për të mësuar nuk ka moshë dhe ëndrrat nuk plaken kurrë.
j.l./ dita
Respekt , per kete shembull te shkelqyer te te kaluares dhe te ardhmes , se pa shkolle nuk ka te ardhme ….