Ministri i Punëve të Brendshme, Xhelal Sveçla ka thënë se është arrestuar personi, i cili e ka kërcënuar nënkryetaren e Komunës së Leposaviçit, Dragana Miletiç.
Sveçla në një postim në Facebook ka shkruar se të dielën, i njëjti person është ndaluar për kontrabandë me mallra dhe sot është arrestuar për kërcënim.
Sveçla ka theksuar se me arrestimin e autorit, koha e pandëshkueshmërisë në veri ka marrë fund.
“Krimi dhe kërcënimi nuk kalojnë. Pardje është ndaluar kontrabanda me mallra, dje është konfiskuar vetura në kërkim ndërkombëtar, sot është arrestuar personi që ka kërcënuar nënkryetaren e Komunës së Leposaviçit, znj. Dragana Miletiç. Të gjitha këto në veri të vendit. Koha e pandëshkueshmërisë ka marrë fund”, ka thënë ai.
j.l./ dita
