Shkrimtari i madh Ismail Kadare ka marrë nënshtetësinë e Kosovës.
Nënshtetësia, Kadaresë i është dorëzuar nga vetë presidentja e Republikës së Kosovës, Vjosa Osmani, në një ceremoni të veçantë gjatë vizitës së saj dy-ditore në Shqipëri.
“Sot shkrimtarit tonë të madh Ismail Kadare, nderit të kombit tonë, ia dorëzova Dekretin e nënshtetësisë së Republikës së Kosovës.
Mirë se vini Ismail Kadare në familjen e madhe të Kosovës! Rrëfimet tuaja le të vazhdojnë ta pushtojnë botën duke na kujtuar fuqinë e letërsisë për t`i formësuar perspektivat, sfiduar normat dhe nxitur dialogun”, shkruan presidentja Osmani në rrjetet sociale.
Më herët gjatë këtij viti, Kadare është nderuar me urdhrin “Hasan Prishtina”, më i larti të cilin e jep Republika e Kosovës për personalitetet më të shquara të kulturës, artit, dhe shoqërisë.
j.l./ dita
