Personi në foton e mësipërme dyshohet të jetë autori i vrasjes së 58-vjeçarit Renato Hoxhaj në Vlorë më 27 prill 2025. Personi në fjalë shihet me një kapele në kokë dhe me një maskë në fytyrë. Lidhur me ngjarjen, sipas informacioneve paraprake, ditën e djeshme është arrestuar një person që dyshohet se ka ndihmuar autorin të largohet nga vendi i ngjarjes.
Gjithashtu dyshohet se ka edhe persona të tjerë të përfshirë, por ka edhe dyshime se porosia për ekzekutimin të ketë ardhur nga jashtë Shqipërisë.
Ngjarja mësohet se ka ndodhur rreth orës 06:00 kur viktima po kthehej në shtëpi nga vendi ku punonte si roje i një objekti në ndërtim. Hoxhaj është qëlluar nga afër tre herë me armë zjarri. Raportohet se ka qenë bashkëjetuesja e tij që ka dëgjuar të shtënat dhe e ka gjetur të vdekur.
Ajo ka shpërthyer në lot, duke thënë “e vranë mo e vranë”, ndërsa më pas është marrë në pyetje nga policia. Viktima ishte i divorcuar dhe bashkëjetonte me një grua, ndërsa raportohet se është baba i dy fëmijëve të rritur. Hoxhaj mori 2 plumba në kokë dhe dy në trup, ndërsa pistoleta ka qenë me gëzhoje 9 mm.
Në dëshminë e saj, bashkëjetuesja ka treguar vetëm se si e ka gjetur të vrarë dhe ka njoftuar policinë. Askush nga banorët nuk ka parë personat që kanë kryer krimin. Pistat kryesore të hetimit janë konfliktet e mundshme së fundmi dhe përfshirja në ndonjë ngjarje.
j.l./ dita
It’s very trouble-free to find out any topic on net as compared
to textbooks, as I found this piece of writing at this
web site.
I love your blog.. very nice colors & theme. Did you make this website yourself or did you hire someone to do it for
you? Plz respond as I’m looking to design my own blog and
would like to know where u got this from. thank you