Moti i keq shkaktoi përmbytje me reshje të dendura shiu të shtunën në Greqi, të regjistruara në pjesët lindore kontinentale dhe kryesisht në Kretë.
Përmbytjet katastrofike kanë goditur Heraklion në orët e paradites të së shtunës, ku një 50-vjeçar ka humbur jetën dhe 2 të tjerë rezultojnë të zhdukur, pasi automjetet e tyre u përfshinë nga ujërat e përrenjve të vrullshëm.
Probleme të shumta ka edhe në Kretën Lindore, ku stacionet e rrjetit të Observatorit Kombëtar të Athinës, regjistrojnë sasi ditore të reshjeve mbi 100 mm, pra afërsisht 1/3 e sasisë së shiut që regjistrohet zakonisht çdo vit.
Të mëdha janë fatkeqësitë e ndodhura në Paliokastro dhe Ligari të bashkisë Malevizio për shkak të motit të keq.
Rrugët u kthyen në lumenj, ndërsa në të njëjtën kohë detet u frynë dhe dolën në breg.
Shumë makina u përfshinë nga ujërat e vrullshme dhe përfunduan në det.
Aeroporti i Heraklionit u kthye në një liqen të gjerë për shkak të motit të keq.
Sipas informacioneve të cretapost, aeroporti “Nikos Kazantzakis”, për shkak të përmbytjes, ka pezulluar linjat e tij, me pasojë nuk do të ketë nisje apo mbërritje deri rreth orës 3 pasdite.
“Zonat e aeroportit ndërkombëtar janë përmbytur dhe duhen pastruar menjëherë, ” tha më parë shefi i aeroportit, Giorgos Pliakas, duke folur për Cretapost.
Zjarrfikësit shpëtuan shëndoshë e mirë një grua nga një mjet që përfundoi në det në zonën Lygaria të Heraklion, Kretë.
Gjithashtu, është kërkuar ndihma e rojes bregdetare për gjetjen e personave të zhdukur. Oficerët e Njësisë së Misioneve Speciale të Rojës Bregdetare (KEA) po mundohen të ndihmojnë për hetimet.
Probleme janë shënuar edhe në Kretën perëndimore. Në Stavros Akrotiri, në Chania, rrugët janë përmbytur.
j.l./ dita
Nuk eshte apokalips, por mania per te bere ndertime afer detit. Edhe ne uraganet më te tmerrshme ne Amerike, prishen shtepite prej derrase, se ato prej muri dhe llaçi nuk i gjen gjë.