Reforma e përgatitur nga presidenti Emmanuel Macron për rritjen e moshës së pensionit ka arritur një moment kritik, pasi sindikatat po mbajnë një grevë kundër saj.
Drafti i ri, që do të shkojë së shpejti në Parlament, do ta rrisë atë nga 62 që është aktualisht në 64 vjeç. E majta franceze është rreshtuar përkrah sindikatave.
“Duhet të njohim natyrën e jashtëzakonshme të unitetit të sindikatave, që na jep edhe neve një forcë të konsiderueshme. Nuk ka ndasi mes nesh. Kjo është një nga herët e pakta që ndodh një herë në 15 ose 20 vjet”, u shpreh Luc Mélenchon, lider i së majtës franceze.
Si pasojë e grevës, transporti hekurudhor është çoroditur. Shumë shkolla dhe shërbime publike janë mbyllur dhe në aeroportin “Orly” të Parisit, 1 në 5 fluturime është anuluar.
Gjithashtu, në sistemin e metrove të kryeqytetit francez në punë janë vetëm dy linja, të cilat funksionojnë pa shofer.
o.j/dita
