Rreth 123 oficerë policie janë plagosur në të gjithë vendin si pasojë e protestave të dhunshme që kanë shpërthyer në Francë. Ministri i Brendshëm i Francës, Gerald Darmanin, në një postim në Twitter, shkruan se më shumë se 80 persona ishin arrestuar në vazhdën e protestave të sotme.
Rreth 1 milionë njerëz protestuan sot në Paris, duke shënuar numrin më të lartë deri më tani të pjesëmarrësve në këtë revoltë të organizuar kundër reformës së pensioneve. Tensionet mes palëve kanë agravuar në dhunë dhe shkatërrim të mjedisit publik.
E gjithë ngjarja ka ndodhur në Bulevardin Bonne Nouvelle në Paris dhe më pas është zhvendosur në ‘Place de l’Opera’. Duke shmangur trazirat në vend, sot Presidenti Emmanuel Macron u është bashkuar liderëve të Bashkimit Evropian në Bruksel, për samitin e marsit. Francezët po protestojnë kundër reformës së pensioneve të miratuar nga qeveria “Macron”. Nisur nga muaji prill, francezët do të dalin në pension në moshën 64-vjeçare dhe jo 62 siç ishte më parë.
m.b./dita
A cette heure, on dénombre 123 policiers et gendarmes blessés et plus de 80 individus interpellés. https://t.co/DNS06dLqUx
— Gérald DARMANIN (@GDarmanin) March 23, 2023
